main logo seagull icon

Deskanz Whe- 6

Text for translation

Read and translate the following short text.

Ota ny! hebma eu an chy ve. Miro, ma deaw shimbla. Derage, ma diu vesidar a ollaz, ha tair besidar awarrah. Ubba an portal han darraz rage, Athelhar, ma an darraz delhar han sleah, gen mui besidri. Ma looar adro than chy, ha adro tho hedda ma kea gen yeat glaze. War tiu orol than kea ma chy an contravagian, ha praze gen beastaz.

Gero ny moaz chy. Diaw rage. Lebben, ota ny en bera. Kenza, ubba an basefri. Ubma bah leb cregge goz cota. Per thaa!

Nessa, ubma an stevel leb ma bord pedrack gen pedar cadar. War an bord ma lian booz, padgar bolla, pot a tea, leath ha coon. War an copart ma scudellaw, bollez, sausers, calez, podgars, padigo, ampassi. En biffet ma kelhil, ferh ha leu, ha ol sorto tacklaw. Ma scudel a lavalu war an biffet. Veda why cawaz aval, pokean peran po pluman?

Baris. Gramassi!

Holma eu an gegen ny. Ma diu voarn, a niel oleu, idge a tubma an dowr aweath, e gila electrick. Ma benk heer, dothe gwarraz cregin, leb fittiah an booz, rulla mez an fugan, ampassi. A euh hag en dadn ma copartez leb ma gurrez aman an padellaw, an padellaw doarn, an padellaw fria, an vantol, an cabooler, an talhiar ha tacklaw an aprna. Ubma ma neith rag ol sorto kelhil, ferh ha leu, skinaw, agolan, ha talhiar predn rag trehe an bara warnotha. Athelhar than darraz ma creggez aman mantal rag zeha an listri.

Dreth an darrazma ma an spens leb ma gwithez an bboz crow pecarra an bara, an manin, an leath, an kez, han deffrans luzu, keffrez ha meal, scalpian ha jam.


Copyright Teer ha Tavaz 2003, Based on the book Practical Modern Cornish by Richard Gendall (ISBN 0-9537710-5-9)